Laburpena

Artikulu honen helburua Bizkaiko Ahalduntze Eskolen Sarea eta bere testuingurua aurkeztea da. Emakumeen ahalduntze ardatz duten eskola hauek Basauri, Ermua, Getxo eta Ondarroan daude kokaturik. Analisia burutzeko atzera begirako ikerketa gauzatuko dugu feminismo eta berdintasunaren mugarri dituen identitatearen eraikuntza aztertuaz udalerrien geografia eta historia abiapuntu gisa hartuta. Honela emakumeen udalerrietako proiektu sozialetan izandako protagonismo gakoa jorratuko dugu. Halaber, eskolek jorratutako hezkuntza ardatz nagusiak ere aztertuko dira ahalduntzearen bidez eskolek izandako helburu eta ardatzak ikertuaz.