Familien Euskal Behatokia sortu zen 309/2010 Dekretua (EHAA 2010/12/02) indarrean jarri zenetik, eta Familiaren Behatokiaren xedea da etenik gabean Euskal Autonomia Erkidegoko familiaren errealitatea, egoera eta problematika aztertzea eta 13/2008 Legea, abenduaren 12koa, Familiei Laguntzekoa indarrean jarri zenetik garatu diren politiken eragina neurtzea.
Betetzen dituen funtzioen artean, ondorengo hauek daude:
- Ezagutza egokia bermatzeko azterlanerako ildo egoki bat bultzatu eta sustatzea, bai kuantitatiboa bai kualitatiboa, betiere aldatzen ari den familiaren errealitatea eta familiek hartzen dituzten funtzioen inguruan, berariaz, adingabekoak diren seme-alaben mantentze eta zainketaren arloan eta mendekotasun egoeran dauden pertsonen arretan, bereziki kontuan hartuz kalteberatasun berezian dauden familiak.
- Familiako indarkeriaren inguruko egoeren errealitatea eta eboluzioa ezagutzea, modu horretan gomendio eta proposamenak gauzatzeko zerbitzu eta prestazioen eskaintzaren hobekuntzan, Emakunde-Emakumearen Euskal Institutuak emakumeen aurkako indarkeriaren inguruko azterlanerako dituen eskumenei lagunduz.
- Erkidego, Estatu, Europa eta nazioartean gai honen inguruko literatura zientifikoaren funtsa dokumental espezializatu baten etenik gabeko eguneratzea bermatzea, eta arautegiaren inguruko funtsa dokumental baten bitartez Euskal Autonomia Erkidego, beste autonomia-erkidego, Estatu eta Europar Batasunaren esparruan indarrean dauden arau horien guztien eskuragarritasuna bermatzea.
- Jarraipena egin indarrean dagoen Legeak eta familientzako sostengurako instituzioen arteko planek duten ezarpen eraginkorraz eta onartu diren neurri desberdinek duten eragin sozialaz.
- Eskatzen duten administrazio publikoak aholkatu familiaren babes, arreta eta sostenguaren inguruan.
- Familien premien inguruko ordenamendu juridikoaren egokitasunaz eskumenak dituzten administrazioak informatu eta erregulazio berri edo indarrean dauden horiek moldatzeko proposamenak burutzea.
- Legebiltzarrari informazioa eskaini, gutxienaz, Gobernuak familiaren instituzioen arteko planak aurkeztu aurretik.
Familien Behatokiak ondorengo eduki hauek biltzen ditu:
Datuen bankua
Datuen bankuak errazten du lau arloetan (Familiak, Gizarte Zerbitzuak, Haurtzaro eta Nerabezaroa, eta Enplegua eta Inklusio Aktiboa) eskuragarri dauden adierazle eta estatistikak aplikazio interaktibo baten bitartezko kontsulta, modu honetan, erabiltzaileek landu eta jaitsi ditzakete taula, mapa eta grafiko propioak.
Txosten eta argitalpenak
Txosten eta argitalpenen atalean eskaintzen da Behatokiek eta Sailak burutzen dituzten bai ikerkuntza bai aldizka edo noizean behingo argitalpenetarako sarbidea.
Gaurko gaiak
Gaurko gaien atalak biltzen du ondorengo hiru mota hauetako informazioa: prentsa-albisteak, legedia eta agenda.
Dokumentazioa
Behatoki horietako bakoitzak bilaketarako kaxoi bat dauka, eta horren bitartez burutu daitezke berariazko bilaketa dokumentalak, modu honetan arlo bakoitzaren inguruan eskura dagoen espezializatutako dokumentazioaren bilduma zabalera sarbidea izateko (300.000 erregistro baino gehiago daude).