Laburpena

Genero-indarkeriaren biktima diren 65 urteko eta gehiagoko emakumeak ez dira oso agerikoak gizartean, eta ez dute presentzia handirik arreta-baliabideetan. Opakutasun horrek biktima gisa duten berezitasuna ezagutzea oztopatzen du, eta zaurgarritasun bereziko egoeran jartzen ditu. Testuinguru horretan, ikusten dugu gizarte-sistemaren erantzuna ez dagoela behar bezala egokituta adineko biktima horien berezitasunera. Hainbat faktorek eragiten dute egoera hori, hala nola, emakume horiek ez dituztela baliabideak ezagutzen, haien kasuak antzematea zailagoa dela, eta, biktima gazteagoekin alderatuta, baliabideetara iristea eta arreta-prozesuan mantentzea ere zailagoa egiten zaiela. Era berean, identifikatu dugu elkarteek zeregin garrantzitsua dutela adineko biktima horiei emandako gizarte-erantzunean.