Laburpena

Badira berariazko ezaugarriak eta zirkunstantziak dituzten zaintzaile talde batzuek kalteberatasun-egoeran jartzen dituztenak. Literatura zientifikoaren arabera, kolektibo horiei “ezkutuko edo ikusezin bihurtutako zaintzaileak” deitu izan zaie, zaintzaileek eskura dituzten zerbitzuak edo baliabideak eskuratzen ez dituzten neurrian, edo, gutxienez, beste pertsona batzuek eskura ditzaketen neurri berean eskuratzen ez dituzten neurrian. Sarbiderik ez izatearen arrazoien artean daude, besteak beste, ezjakintasuna, egoera jasanezin bihurtu arte eskaera atzeratzea edo gizarte-estigmaren lotsa eta beldurra sentitzea. Literaturaren berrikuspen honen helburua da, lehenik eta behin, kalteberatasun handiena duten ezkutuko zaintzaileen profilak identifikatzea; eta bigarrenik, horiek ikusezin bihurtzean esku hartzen duten faktore nagusiak aztertzea, baita pertsona horiek haien zaintza-lanean aurre egin behar dieten premiak eta arazoak ere.