Laburpena

Ikasle bakoitzak bere ikasketa-prozesua baldintzatzen duten gaitasun, interes, erritmo, motibazio eta esperientzia ezberdinak ditu, eta azken hauen artean kokatzen dira Adverse childhood experiences (ACE), euskarara “haurtzaroko esperientzia gogor goiztiar” gisa itzuliko duguna. Esperientzia hauek (abusua, abandonua edo etxeko desegituraketak) eragin zuzena dute ikasleen garapen integralean, ondorio negatibo ugari eraginez. Hortaz, lan honen helburu nagusia eskolek eta irakasleek gaiari buruz dakitena eta horren inguruan egiten dutena eta adituek diotena alderatzea izan da, egoera honetan dauden ikasleei behar duten laguntza eman ahal izateko gakoak bilatu nahian. Erabili den metodologia kuantitatiboaren eta kualitatiboaren nahasketa izan da. Ondorioetan, sentsibilitatea eta esperientzia azaltzen dira gako gisa.