Laburpena

Artikulu honetan, SIIS Informazio eta Ikerketa Sozialeko Zerbitzuak Eusko Jaurlaritzako Justizia, Berdintasun eta Gizarte Politiketako Saileko Familia Politikako Zuzendaritzarentzat egindako azterlan batzuen emaitzak jasotzen dira. Lehendabizi, artikuluak ELGAko hogeita hiru herrialdetan semealabak ardurapean dituzten biztanleek jasotako prestazioen ezaugarri nagusiak aztertzen ditu, eta ondoko gaien inguruan argitaratu izan den literatura berrikusi: haur-pobreziaren murrizketa, familien bizi-baldintzen eta osasunaren —eta ongizatearen— hobetzea, onuradun diren familien ugalkortasuna eta enplegu-lorpenaren maila, eta, berariaz, ama direnek duten enplegu-lorpenaren maila.