Laburpena

Artikulu honetan, gazte-lonjen fenomenoen emergentzian ekintza gizarte-hezitzailean zentratzen da, Euskadiko testuinguruan lonjak aisialdirako autogestio-gune gisara ulertuta. Administrazio, gizarte-hezkuntzako programa eta hezitzaileentzako alderdi metodologiko garrantzitsu batzuk identifikatzea izan da ikerketaren xedea, gune horietan edo tankerakoetan eskuartze hobeak egiteko asmoz. Proposamen horiek teknika kuantitatibo eta kualitatiboetan bildutako informazioaren analisiaren ondorioz lortu dira, eta arlo honetako eskuartzeren bat bideratu izandako Bizkaiko zazpi udalerritako horrelako guneetan parte-hartzen duten gazteekin, hezitzaileekin eta bai komunitateko bai administrazioko eragile garrantzitsuekin landu da.